“大力交波喇喇喇，全場靠我哋” RB最新歌曲 '細街杯' 終於派咗台，你哋聽咗未？
遲啲有機會嘅唱現場的話，我哋一齊大聲呼叫 '杜奧巴' 好無？
新年快樂
新年快樂
2009年雖然不敢說是RubberBand豐收的一年，但我卻覺得係RubberBand進步嘅一年.
回望2009，我們發表了一張EP、一首單曲(發現號)、開了一場演唱會、還搞了一個展覽，幫忙的人實在太多，要多謝的人亦有很多，總會覺得RubberBand係幸福嘅，身邊總會有好多不同嘅人扶持、幫助我哋，簡單啲講就係“出門遇貴人”，這是我們的運氣，亦是我們的福氣，各位貴人們，多謝
還有每次大小音樂會為我哋打氣的樂迷，或一眾喜歡在家中、在車中煲碟嘅樂迷，每一次嘅掌聲，每一次嘅鼓勵，每一段留言，每一次流嘅眼淚，每一次高呼RubberBand，我哋都唔會忘記。
RubberBand唔單只係一隊樂隊，更加係一個信念，一份堅持，一份執著，而呢隊樂隊，呢個信念，唔只屬於我哋五個人，六個、八個或十個人，而係屬於每一位愛我們嘅人。
踏入2010，我哋會更加用心做好RubberBand。
祝大家新年快樂，心想事成
RubberWai
肥媽
今晚睇咗moov live，有dear jane，22cats,秋紅，仲有我最愛嘅恭碩良+包以正，唔知點解睇佢哋show嘅時候，覺得自己去咗南美嘅沙灘咁，好正！最後竟然請埋肥媽上台唱，嗰一刻全場high爆,佢仲講“我係一個有十一個孫嘅阿嫲，但係只要愛音樂，幾多歲都可以Rock得起”
肥媽真係超堅型呀^_^
RubberWai
你的眼神
唔知由邊一日起. 無論我地四個人、
受傷
在那個下大雨嘅中午，在尖沙咀某條樓梯，砰磅一聲，哎約兩聲，休克三秒，就這樣，我背部那條“U4 橫突骨“ 就多了一條裂痕！
從小到大，因為喜歡踢波，所以成日都會整傷手腳，不過通常好快就無事，繼續上球場跑呀跑，踢呀踢，但這次不同了，這次我真係有一種 “我真的受傷了“ 嘅感覺，因為這一次受傷，真的很痛，每一次觸動到傷口時，就好似幾千支針由頭拮到去大腿一樣, 感覺又有啲似觸電，每天上床落床都要花上好幾分鐘, 醫生話要完全唔痛起碼要一個月呢, 真係諗起都擔心, 不過除了擔心，現在唯一可以做的就係休息多啲, 希望快啲康復可以再到球場跑呀跑，踢呀踢呢！
最後多謝各方朋友嘅慰問，謝謝
FC Barcelona 2:0 Manchester United - Champions League Final 2009
Cheers^_^
RubberWai
四川慈善mini concert & 小肥新專輯 Festival traveler
多謝捧場呢
一連兩場既四川慈善籌款mini concert終於圓滿結束，雖然過去呢個星期我哋忙於練歌，感到有啲累，但係可以為四川嘅災民做一點事情，再辛苦都係值得嘅！
多謝主辦單位cosmo girl給我們這次演出嘅機會,感激小肥 & kary同我哋一齊完成呢兩場咁好玩嘅演出，亦多謝每一位買飛入場睇show嘅善長人翁，你們是最"棒"的 ^_^
最後提提大家今日係小肥推出新專輯Festival traveler嘅大大大日子，無論你/妳/您係唔係fans都好，都記得去買隻碟聽吓，支持吓真正"愛"音樂嘅歌手呀
祝新碟大賣^_^
RubberWai
金像獎
前兩日半夜睇番電視重播 “完整版” 金像獎，哈哈…果然比起 “刪剪版”精彩好多，全晚好多攪笑、感人既片段，最攪笑既梗係現代版 “偷燒鴨之-英雄本鴨”啦，小肥果然係攪笑既高手，而泥鯭同六號都演得好好…哈哈…勁呀! 而全晚最最最開心既一個獎項，就係由 “集結號” 奪得 – 最佳亞洲電影，我本身好鍾意睇戰爭片，近年既所有戰爭片都睇咗好多，而 “集結號” 既故事背景正正係講我哋中國既內戰，片內面每一個人物角色都係中國人，令我感觸更大。呢套戲我在戲院加埋在家睇DVD，一共睇咗三次，還記得第一次嚮The Grand戲院睇早場時，那天戲院不是太多人(大約20人左右)，坐在我前一行那對上了年紀既夫婦，基本上由一開場就喊到散場，令我每次再睇呢套戲既時候都多了一份沉重既感覺。 雖然我好鍾意睇戲，但係對電影既認識真係好膚淺，只係識分 “好睇” 和 “唔好睇”，所以呢一篇絕對唔係一編影評，而只係一些我個人既感覺，不過如果你問我呢套戲好唔好睇?! 我既答案係…好好好好睇^_^。 最後真的好希望戰爭永遠永遠都只會在電影內出現， 遠離這個世界。 RubberWai
Justin x Philip Stein mini concert
上星期睇咗Justin x Philip Stein mini concert，覺得非常非常好睇，影咗幾張相和片段好想嚮度同大家在此分享一下。
當晚主角當然係側田啦，而彈琴的絕對係側田的三叔ＴＥＤ ＬＯ,而負責低音大提琴既就係我以前既老師龍小飛（佢好鍾意人地叫佢中文名，因為個名似李少龍喎），而彈結他既就係我最proud of 既結他手阿正.hahaha
rubberwai
我要買玩具
睇到佢地SHOW D 新玩具，我都忍吾住出番個ＰＯＳＴ同大家分享下！ 雖然呢支ＢＡＳＳ吾算好新，旦係其實我甚少用，最重要既係岩岩今個月供完，亦即係代表我可以再買一支新既ＢＡＳＳ ．．ＨＡＨＡＨＡ，旦係到而家仍然未有心水，有無彈ＢＡＳＳ既朋友仔可以分享下呀？一齊吹下水丫．．．
RubberWai
訂閱：
留言 (Atom)
文章
